هر گئجه م اولدو کدر غصه فلاکت سنسیز
هر نفس چکدیم هدر گئتدی او ساعت سنسیز
سنین او جلب ائیله ین وصلینه آند ایچدیم اینان
هجرینه یاندی جانیم،یوخ داها طاقت سنسیز
باشقا بیر یاری نئجه آختاریام ای نازلی صنم
بیلیرم سنده دئدین، یوخ یارا حاجت سنسیز
سن منیم قلبیمه حاکیم،سنه قول اولدو کونول
سن عزیزسن من اوجوز، بیر هئچم، آفت سنسیز
سن نظامیدن اگر آرخایین اولساندا گولوم
گئجه گوندوز آراییب، المادی راحت سنسیز
هاردا اولسان گله رم من ، تکی سن سسله منی
داردا اولسان گله رم من ، تکی سن سسله منی
یاخین اولسان یا اوزاق ، دره اولسون یادا داغ
منی کیم ساخلایاجاق، تکی سن سسله منی
عشقه یورد ایسه سینه م ، قوجالیق گلسه نه غم
دونه رم گنج لشه رم ،تکی سن سسله منی
سنسن عشقیم امه لیم، گلسه بیر گون ده اولوم
وئرمه رم جان ای گولوم ، تکی سن سسله منی