قلبیمده سنین ، من ده سنین، جاندا سنیندیر
ییخسان داغیدیب، محو ائدیب آتساندا سنیندیر
گوندوزلری هیجرانینا یوخ تاب و توانیم...
هیجران گئجه سین دن نه جفا ، آه نه جفا چکمه دی جانیم
سن گول منه گول ،گوی بو حیاتین اوزو گولسون
بال شهد لبیندن سوزولوب شیره توکولسون
آچ زولفونو قوی دان یئلی چهرنده سوکولسون
قوربان دیله سن ،جاندا دئسن ،جان دیله سن،جاندا سنیندیر
هر گئجه م اولدو کدر غصه فلاکت سنسیز
هر نفس چکدیم هدر گئتدی او ساعت سنسیز
سنین او جلب ائیله ین وصلینه آند ایچدیم اینان
هجرینه یاندی جانیم،یوخ داها طاقت سنسیز
باشقا بیر یاری نئجه آختاریام ای نازلی صنم
بیلیرم سنده دئدین، یوخ یارا حاجت سنسیز
سن منیم قلبیمه حاکیم،سنه قول اولدو کونول
سن عزیزسن من اوجوز، بیر هئچم، آفت سنسیز
سن نظامیدن اگر آرخایین اولساندا گولوم
گئجه گوندوز آراییب، المادی راحت سنسیز